Білім күні

Құдықағаш ауылының Рамазан Елебаев атындағы жалпы орта білім беретін мектебінде 2021-2022 оқу жылының басталуына орай "Алғашқы қоңырау" мерекелік салтанатты жиыны болып өтті. "Алғашқы қоңырау" мерекесі 1-сынып бүлдіршіндерін   салтанатты түрде ортаға шақырумен басталды. Мерекелік іс- шараны мектеп директоры Садвакасов Алтай Нөгербекұлы мектеп табалдырығын аттап отырған бүлдіршіндерді, оқушылар мен ата-аналарды құттықтау сөзімен бастады. Алтай Нөгербекұлы өз сөзінде қазіргі таңда жас ұрпаққа сапалы білім, саналы тәрбие беру - ұстаздар алдындағы үлкен міндет екенін атап көрсете отырып, былтырғы оқу жылының жетістіктерін атап,  ТОО «Баймырза Агро» атынан  1- сынып оқушыларына 5 000 тг көлемінде сыйлық табыс етті. Салтанатты жиын оқушылардың мерекелік сазды бағдарламасымен жалғасты.  2-11 сынып  оқушылары өз оқу кабинеттерімен танысып, «Тәуелсіздік жетістіктері» атты алғашқы білім күніне арналған ашық тәрбие сабағына қатысты.